أقدارنا قصة في فصول

أقدارنا
بسم الله الرحمن الرحيم
وبه نستعين
الفصل الاول
اكمل ميسرة تعليمه الثانوي وذلك فى واخر الستنيات وعين مدرس في المدارس الوسطى بعد عامين قضاها في معهد المعلمين بامدرمان ومعلم فى العاصمة لمدة عامين ثم نقل الي دارفور وتحديداً الي الجنينة ومن الجنينة الي منطقة اردمتا معلم وهناك قضى سنيتن وكان يسكن مع ابن عمه الضابط في القوات المسلحة وجاء آمر نقله الي مدينة نيالا جنوب دارفور وعليه تقديم نفسه في بداية السنة الدراسية القادمة الى مكتب تعليم المنطقة التعلمية في نيالا قال له ابن عمه بعد غداً عندنا عربات قائمة نيالا تقوم فيها بدل السفر بالعربات التجارية وافق ابن عمه الرآى وحان وقت السفر وجاء الي الطابية العسكرية ورفع الجنود شنطه وسريره علي العربية وفي هذة اللحظة جاء رقيب يطلب من الضابط الاذن بان يسمح له بسفر بنته وزوجته مع السيارات المغادرة الي نيالا حتى تتمكن بنته من اللحاق بالمدرسة في مواعيدها واذن له الضابط وشرع برفع العفش في احد السيارتين وآمر زوجته وبنته بالركوب فوق السيارة وهنا نزل ميسرة وقال له خليهم يركبو الاثنين قدام مع السواق وانا بركب فوق ورفض الرقيب ولكن اصر ميسرة علي ذلك وقال الي ابن عمه يا صلاح ياخي كلمو خليه يركبهم قدام بعدين انا زاتي عاوز اتفرج علي الطبيعة من فوق واخيراً ركبت الام وبنتها وتحركت السيارتين بعد ان ودع ميسرة ابن عمه الضابط صلاح وفي اول قهوة وقفو فيها نزل ميسرة واحضر عنقريبين الي الام وبنتها وكلم صاحب القهوة بان يشوف طلباتهم وبان لا ياخذ منهم الحساب وجلس هو بعيد ونادته الام تعال ياولدي النسالك وجاء جلس جنبها وسالته الام انت ياولدي من وين في الاهل رد انا من النيل الابيض الدويم واعمل استاذ كنت استاذ في اردمتا نقلت الي نيالا الان مدرس فى مدرسة نيالا الابتدائية القديمة وان شاء الله استقر فيها وتقول له الام والله ياولدي انحنا من اهلك الهبانية وابونا يعمل في الجيش زي ما شفت وبتي دي بتقراء فى الثانوي في نيالا والباقي لها سنتين وتدخل الجامعة وبتقراء وساكنة في الداخلية وانا بعد اسلمها المدرسة برجع الجنينة عشان عندى بتين وولد الاصغر منها في الابتدائي وتساله الام الضابط دا اخوك ويرد ايوا ابن عمي اخو ابويا الكبير وهو له فى الجنينة ثلاثة سنة ويسال ميسرة الام حسع في نيالا بتنزلوا وين ترد الام عندي ولد عمي باولاده في نيالا عنده دكان بتاع محاصيل بنزل عنده ويوم السبت لو ربنا حيانا بودي اختك دي المدرسة وبسافر برجع الجنينة وهنا يسال ميسرة خديجة عاملة كيف مع الدراسة ترد الحمدلله كويسة بس الرياضيات صعبة شوية ويقول لها ميسرة انا استاذ رياضيات لو احتجتي تقوية ممكن تضربي لي من تلفون المدرسة اوتكلمي خالك ابن عم امك وانا ارسل لك معه بعض المسائل للتمرين عليها وبعد فترة استراحة في القهوة تابعوا الرحلة الي نيالا وعند ظهر اليوم التالي وصلوا نيالا ووصلهم ميسرة الي منزل قريبهم ووعدهم بان يحضر غذاً لتعرف على قريبهم وان شاء الله لو كان في العمر بقية نكمل

بسم الله الرحمن الرحيم
وبه نستعين
الفصل الثاني
نزل ميسرة في سكن المدرسين العزابة وبعد صلاة العصر تحرك الي زيارتهم حسب وعده معهم وهناك قابل قريبهم وتعرف به وعرفه بانه استاذ جديد جاء منقول من الجنينة الي مدرسة نيالا الابتدائية القديمة وقال له ادم ان ابنائه الثلاثة يقرون في نفس المدرسة وانه هو نفسه قراء فيها في صغره وفرح ادم لزيارة ميسرة وانه سوف يزوره فى سكن المدرسين وقال ميسرة الي ادم بنت اختك خديجة قالت انها تعبانة شوية فى الرياضيات ممكن تضرب لي تلفون في المدرسة وانا بجيب لك تمارين رياضيات لها حتى تقوي فى مادة الرياضيات شكره ادم وقال هو كل اسبوع بيسوق الاسرة وبيمشى يزورها في الداخلية لو احتاجت الي اي شى سوف اخبرك واستاذن ميسرة بالذهاب ولكن تحت اصرار ادم بان لايخرج قبل العشاء رضخ مسيرة وبعد صلاة المغرب جمع ادم كل افراد الاسرة للونسة ومعرفة ميسرة وساله ادم اختي قالت انك من الدويم نحنا زاتنا عند اهل في الدويم ومعروفين ناس قدح الدم ويرد نعم اعرفهم ولهم اولاد درسو معي ولي مع بعضهم صداقات حتي اليوم ولعلمك انا زاتي لي جذور في اوسط السودان كردفان جدي الكبير من ود الزاكي وازيدك علم نفس ود الزاكي فى النيل الابيض هو جدي من النيل الابيض هاجر لكردفان وجاء العشا وتعشوا وطلب ميسرة من ادم السماح له بالذهاب
وقبل الخروج جات خديجة وقالت لميسرة ياستاذ ممكن اسالك ورد ميسرة وقال لها اولاً كلمة استاذ دي ما في داعي ليها ونحنا هنا في البيت ممكن تناديني ميسرة حاف كدا من غير القاب واتفضلي اسالي يا استاذة خديجة وضحك الجميع استاذ معليش ميسرة يعني مافي تعب ليك بان تتابع معي بواسطة خالي ادم ويرد ميسرة انا قلت ليك ونحنا في القهوة ما عندي مانع وتكلمت مع خالك وان شاء الله كل اسبوع برسل ليك معه نماذج من الاسئلة تراجعيها انتي وزميلاتك فى الصف وانا جاهز فى اي وقت وترد خديجة شكراً يا ميسرة ويرد ميسرة عشان تشكريني لازم تنجحي وتكوني الاولي ان شاء الله ويردد الجميع ان شاء الله ويستاذن ميسرة ويقول ادم الدنيا بقت ليل يلا عشان اوصلك بالعربية ويرد ميسرة لا ابداً بمشي برجلي ويحلف ادم لازم يوصله وفى صباح اليوم التالي تعود خديجة للداخلية بصحبة امها وخالها وزوجة خالها وقابلوا مديرة المدرسة الجديدة وقال لها ادم خال خديجة بان هذة اختة وهي تعيش فى الجنينة مع زوجها واولادها وانا هنا المسؤول عن خديجة وهذا تلفوني فى الدكان لو احتجتي الي اي شي وانا ان شاء الله كل اسبوع مع الاولاود بنجي نزورها شكرته المديرة وبعد يومين سافرت والدة خديجة عائدة الي الجنينة ومرت الايام وميسرة كل اسبوع يلتقي هو وادم ويرسل معه نماذج الاسئلة لخديجة وخديجة اصبحت مرجعة لزميلاتها فى الفصل في مادة الرياضيات وفي منتصف العام الدراسي ارسل والد ميسرة جواب له يساله بتين العرس دايرين نشوف اولادك ان شاء الله لوكان في العمر بقية نكمل

سلمت يمناك استاذ ابو الملكات طرحت

وابدعت لك الف شكر

أهلا بكم في منتداكم:- منتديات علم سوفت-:
يمنع وضــع مواضيع بغير مكانها الصحيح .
الرجاء قراءة قوانين المنتدي والقوانين الخاصة بالاقسام قبل الكتابة بها .
-(( لو لم تلقى منى ما تريد))- * توجه هنــــــــــــــــــا.
عدم ردي على أي موضوع لك لايعني أني لم أرغب بالرد عليك وإنما الوقت محدود بالنسبه لي لظروفي الشـــخـصـيــــــه والعمل وأعباء أخرى لايعلمها غير ربي .
لطلبات الدعم الفنى هنــــــــــــــــــــــا

بسم الله الرحمن الرحيم
وبه نستعين
الفصل الثالث
اخذ ميسرة يفكر الان هو في الخامس والعشرين والحمدلله يعمل استاذ ويجب فعلاً ان يتزوج ولكن اين العروسة وفي المساء ذهب ميسرة الي ادم في السوق وكلمه بخصوص جواب والده وانه يطالبه بالزواج وهو حتى الان ما عنده عروسة بعينها في باله وقال له ادم بسيطة ياخي اكتب ليهم خليهم يشوفوا ليك عروسة ويرد ميسرة يا خي العروسة انا لازم اشوفها واتكلم معها يمكن انا ما اعجبها او هي ما تعجبني وبمزاح من ادم يقول له طيب رايك شنو فى خديجة بت اختي ويبتسم ميسرة ويقول له ياخي خديجة لسع صغيرة وكمان بتدرس يرد ادم سيبك من الكلام انها هي لسع صغيرة انت رايك شنو فيها ويرد ميسرة خديجة بنت ممتازة ومافيها كلام ويقول ادم من ناحية صغيرة لاهي الان عمرها سبعتاشر سنة وانت يادوب عندك خمسة وعشرين سنة يعني السنة الجاية هي تكمل الثانوي ويكون الزواج ويقول ميسرة طيب ما لازم نعرف رايها هي شنو وراى اهلها كمان ويقول ادم علي خيرة الله انا بكتب الي ابوها واشوف رايه هو شنو وبكرة الجمعة انا بمشي الي خديجة في الداخلية واعرف رايها هي زاتها ومن عندها طوالي بجيك فى السكن اكلمك ورجع ميسرة وهو بنتظار بكرة ليسمع الرد من ادم واسترجع ميسرة ايام الرحلة من الجنينة الي نيالا وتلك اللحظات الجميلة ونام ليلته وهو يفكر في رد خديجة بكرة يكون شنو ولم يدري بنفسه إلاهو غارق فى نوم عميق مع احلام وردية وفي مساء الجمعة عاد ادم من زيارة خديجة وهو يكاد يطير من السعادة وضرب باب الاوضة وكان ميسرة في قمة الشوق واللهفة لسماع رد خديجة وقبل ان يجلس ادم ساله ميسرة اها قالت شنو خير يارب يرد ادم ياخي اول حاجة جيب لي موية اشرب وقول لي اتفضل بعدين اسالني قالت شنو المهم خير وهي موافقة وربنا يتمم ليكم بالعديل والزين يرد ميسرة دا اسعد خبر اسمعه في حياتي ويقول ادم مبروك يا ميسرة وان شاء الله بيت مال وعيال خلاص انا بكرة عندي تلفون مكتب واحد قريبنا ضابط بضرب ليهو ويديني ابوها واكلمه وان شاء الله خير بس انت كلم اهلك واسمع رايهم شنو يرد ميسرة يا اخي اهلي عاوزين سعادتي وما عندهم اعتراض علي اختياري وان شاء الله كلهم يجوا ويحضروا العرس واستاذن ميسرة من ادم بان يكتب جواب قدامو الي خديجة والاسبوع الجاي يديهو ليها ويرد ادم ليه الاسبوع القادم خير البر عاجله بكرة المساء بسوق ام الاولاد وبنمشي ليها وبديها الجواب وكمان اجيب ليك منها الرد وقام ميسرة وكتب الجواب وهو في غاية السرور وقال الي ادم اقراء ليك الجواب ورد ادم يا اخي دي اسرار بين اثنين لا وجود لثالث بينهم ويضحك الاثنين وياخذ ادم الجواب ويودع ميسرة وان شاء الله لو كان في العمر بقية نكمل

سلمت الايادي في انتظار الفضل القادم

أهلا بكم في منتداكم:- منتديات علم سوفت-:
يمنع وضــع مواضيع بغير مكانها الصحيح .
الرجاء قراءة قوانين المنتدي والقوانين الخاصة بالاقسام قبل الكتابة بها .
-(( لو لم تلقى منى ما تريد))- * توجه هنــــــــــــــــــا.
عدم ردي على أي موضوع لك لايعني أني لم أرغب بالرد عليك وإنما الوقت محدود بالنسبه لي لظروفي الشـــخـصـيــــــه والعمل وأعباء أخرى لايعلمها غير ربي .
لطلبات الدعم الفنى هنــــــــــــــــــــــا

بسم الله الر حمن الرحيم
وبه نستعين
الفصل الرابع
وفي مساء اليوم التاني ذهب ادم وزوجته الي خديجة فى الداخلية واعطاها ادم الجواب وقال لها اقري الجواب واكتبي لي الرد اخذت خديجة الجواب بخجل وقرته بعيداً عن ادم ويقول لها ادم يا بت انا خالك ودي خالتك سيبي الخجل وضحكت خديجة وقالت له ابداً يا خالي انا بجد ما خجلانا بس كنت بقراء وقالت لها خالتها شدي حيلك وانجحي وان شاء الله السنة الجاية بعد ما تكملي الثانوي تعرسي ونشوف جديدك يا خديجة امين يارب وتقول خديجة لخالها ميسرة قال انت تجي وخالتي واولادكم تكلم ادارة المدرسة بان اذهب معكم خميس وجمعة وهم ما بيقول لا عشان انت المسؤول عني ويقول ادم خلاص انا يوم الخميس بجي انا وخالتك وبكلم المديرة عشان تمشي معانا الخميس والجمعة وان شاء الله مافي مشكلة اها ماعندك رد لميسرة ترد لا في حسع بكتبو ليك ياخالي وغابت دقائق وجات معها الرد وهنا قام ادم وزوجته بوداعها ووعدها يوم الخميس انه يجي وياخذها وكان ميسرة بنتظاره بفارغ الصبر وعند سماعهو صوت محرك السيارة خرج مسرعاً ويقول له ادم وهو ضاحك براحه يازول مالك وسلم ميسرة علي ادم وزوجته وكان مكسوف لانه كان فاكر ادم جاء براهو اعطاه الجواب وقال له بكرة بنتقابل اخذ ميسرة الجواب ودخل وبشوق واللهفة فتح الرسالة وكانت سلام ووعد بلقاء يوم الخميس في بيت خالها ونام مرتاح البال وفكر بعد لقاء بها يوم الخميس يكتب لوالده وامه يخبرهم بموضوع الزواج وحسب ميعاده مع ادم ذهب له في العصر في دكانه بالسوق بادره ادم اها نمت كويس امبارح ويضحك ميسرة ويرد اكيد احلى نومة ويقول ادم خلاص بعد بكرة الخميس بمشي انا وام الاولاد نجيبها من المدرسة وانت انتظرنا في البيت مع الاولاد ويرد ميسرة شكراً ياادم ما عارف اعمل ليك شنو ويرد ادم بس عاوزك تكون بخير ويتم زواجك دا المهم عندي وربنا يتم بخير اها كلمت اهلك في الدويم ويرد ميسرة والله لسع قلت بعد اقابل خديجة واتكلم معها وبعدين اكلم اهلي يرد ادم خير ان شاء الله بعد بكرة يتم اللقاء وان شاء الله لو كان في العمر بقية نكمل

بسم الله الرحمن الرحيم
وبه نستعين
الفصل الخامس
وكان يوم الخميس هذا علي ميسرة وخديجة دهراً وجاء يوم اللقاء الاول بعد اعلان موضوع الزواج وتقابلا في منزل خالها وضمت الجلسة ميسرة وخديجة ادم وزوجته وقال ادم اسمعي يا خديجة انتي الان كبيرة وبتعرفي ايه يعني الزواج وميسرة راجل ممتاز واصيل وانت بعرفي دا كويس يكفي هو جابكم انتي وامك للبيت لو واحد تاني كان ما فكر يجي معكم يوصلكم عشان كدا انا صراحه اخترته ليك بس كملي السنة الجاية بنجاح وبعدها العرس ويصير خير وتكلم ميسرة معها وقال ليها اسمعي يا خديجة انا قلت ما بكلم اهلي قبل ان اتكلم معاك انتي طبعاً اهلي ما عندهم مانع الاهم عندهم اكون سعيد وخالك يوم السبت بيضرب تلفون لوالدك يوريهو ونسمع رده وانا ما عندي مانع بعد الثانوي لو عاوزة تقري علي كيفك اها قلت شنو وترد خديجة بخجل والله انا ما عندي مشكلة ويقول ادم الحمدلله مافي مشكلة ويوم السبت انا بكلم ابوها وهو ما اظن عنده مانع وميسرة زاتو يكلم اهله كمان ويقول ادم بكرة من الصباح نمشي نقيل فى الوادي كلنا ونضح خروفنا وانا عندي جماعة اصحابي باولادهم بيجوا يقيلوا معانا وان شاء الله بعد المغرب نودي خديجة الداخلية حقتها ويقول ميسرة والله مفاجاة سارة وشكراً ياادم بس ما كلمتني ويرد ادم لو كلمتك ما كان تكون مفاجاة بعدين انت غالي عندي ياميسرة وانا عملت شنو يعني دا يوم في العمر نمشي ونقيل مع بعض في الوادي الجميل وفعلاً كان يوم جميل وعرف ادم اصحابو بميسرة وانه استاذ في المدرسة القديمة وايضا خطيب بنت اخته خديجة والطالبة فى السنة الثانية ثانوي ويقول احد اصدقاء ادم والله انا سمعت عن الاستاذ والحمدلله اليوم شفته وحقيقة قالوا عنه كلام طيب وهو يستاهل كل القالوا فيه والف مبروك الخطوبة يا استاذ لقد كان يوم رائع لا ينسى خالد فى الذاكرة وبعد المغرب رجع الجميع الي منازلهم وجاء وقت ارجاع خديجة الي الداخلية حسب اتفاق خالها مع ادارة المدرسة وذهب ميسرة وادم سوياً لتوصيلها الي داخلية المدرسة ثم عادا وانزل ادم ميسرة فى سكن المدرسين العزابة بعد ان توعدا بلقاء غداً فى المساء فى السوق
ان شاء الله لو كان في العمر بقية نكمل

بسم الله الرحمن الرحيم
وبه نستعين
الفصل السادس
مرت الايام وجات مواعيد الامتحانات نهاية العام الدراسي واصبح الكل مشغول طلبة ومدرسين واولياء الطلبة وبعد خمسطاشر يوم ظهرت النتيجة ونجحت خديجة بامتياز وارسل والد خديجة وصية مع احد زملاءهو بان يكلم ادم بانه والاسرة سوف يكونوا الاسبوع الجاي معهم بنيالا فى اجازته السنوية ونقل ادم الخبر الي ميسرة مبشرهو بوصول والد خديجة قائلاً لهو ابشرك ابو خديجة هو والاسرة جاين في الايام الجاية دي سرا كثيراً ميسره بهذا الخبر السعيد وقال الي ادم خلاص انا بكرة برسل تلغراف لي ابوي عشان هو وناس امي يجوا عشان نعلن الخطوبة ويقول ادم خطوبة شنو يااخي نعقد طوالي الحمدلله البنت راضية وانت ما ناقصك شي المهم دا رايي انا والقرار راجع ليك انت يرد ميسره كلام عديل وان شاء الله خير بس نسال خديجة تكون خطوبة والا عقد طوالي ولها الحق نسمع رايها هي ويقول ادم كلام عين العقل بعدين انا قدامك بسالها ونسمع كلامها بتقول شنو وتذكر ميسره ان تلفون مكتب ابن عمه الشغال في محلية الدويم عنده في نوته الحافظ فيها التلفونات وقال الي ادم الحمدلله عندي رقم تلفون ابن عمي وهو شغال في محلية الدويم باشكاتب المحلية انا بكرة بضرب ليهو واخليه يجيب ابوي اتكلم معهوعشان يجوا يحضروا هو امي العقد ويرد ادم عليه خير ان شاء الله وفي المساء بعد عودة ادم ومعه ميسره من السوق نادا ادم زوجته وخديجة وقال لخديجة اسمعي ميسره بكرة بيتصل بااهله عشان يجوا يشوفوكي اها انتي رايك شنو نعملها خطوبة والا طوالي عقد الكلام راجع ليك انتي ترد خديجة والله يا خالي انا ماعارفة اقول شنو بس انتم بتعرفوا اكتر مني ويرد ادم طيب اسمعي ميسره قال اهله يجوا ويعلن الخطوبة وانا قلت ليهو احسن بدل خطوبة يكون عقد طوالي حتى تكون هناك فرصة ليكم عشان تقعدوا مع بعض وتناقشو مستقبلكم سوا عشان الخطوبة لا تسمح لكم بذلك وميسره وافق بس قال لازم رايك انتي صاحبة الشان اها قلتي شنو وتسكت خديجة طويلاً ويقول لها ادم انحنا متفقين بس موافقتك انتي عشان ميسره بكرة يكلم اهله ترد خديجة خلاص انا معكم يكون عقد طوالي ياخالي وتطلق زوجة ادم زغرودة طويلة تقول لها بفرح مبروك ياخديجة وربنا يتمم علي خير امين وان شاء الله لو كان في العمر بقية نكمل

بسم الله الرحمن الرحيم
وبه نستعين
الفصل السابع
وكلم ميسره اهله وفرحوا له وقال ليهم يكونوا معه الاسبوع القادم فى نيالا وجاء والد خديجة مع اسرته من الجنينة وبعد مضي الاسبوع وصل اهل ميسره ونزلوا عند ادم ومر اسبوع وتم العقد واقام ادم لهم حفلة فرحاً بعقد زواج بنت اخته وجلس اهل ميسره خمسة واربعين يوم في نيالا وكانت من اجمل ايام العمر واتفقا بان يكون الزواج السنة الجاية بعد اكمال خديجة الثانوي وان يكون في نيالا والدويم وحتى يفرحوا الاهل هناك في الدويم واعلن ادم بان خديجة السنة النهائية الجاية دي تدرسها من البيتو هنا وهو ملزم كل صباح يوديها المدرسة ويجيبها ومرت والايام والشهور وميسره ياسس فى بيته ودوماً ياخذ خديجة وزوجة خالها من اجل شراء اشياء تخص البيت واقتربت الامتحانات ومواعيد الزواج والكل فرحين وارسل والد ميسره جواب له يخبره بانهم جهزوا ليهو بيتو في الدويم انتهت الامتحانات وظهرت النتيجة وطلعت خديجة من اوئل السودان وليس نيالا فحسب وجاء اهل ميسره وقامت الافراح واليالي الملاح وبعد اسبوع من العرس قام ميسره واهله الي الدويم مع عروسة ابنهم وهناك في الدويم اقام الاهل حفلة عرس جديد لميسره وجاء جميع الاهل ومن المناطق المجاورة لدويم وقضى ميسره وعروستة ثلاثة اسابيع في ضفاف النيل الابيض ورجع ميسره وخديجة الي نيالا ميسره كان باقي له عشرة يوم والمدارس خلاص تفتح ابوابها وهنا قالت خديجة لميسره رايك شنو اقدم لوزارة التربية والتعليم يرد ميسره شوفي انتي عاوزة شنو وانا معاك عاوزة تقري انا ما عندي مانع الحمدلله انا شغال وما محتاج لزول واذا كان رغبتك تكون معلمة والله انا لا امانع ترد خديجة احسن اكون معلمة كفاية قراية ان شاء الله يقروا اولادنا يقول لها ميسره خير خلاص جهزي اوراقك وشهادتك ونمشى نقدم في وزارة التربية والفيها خير ربنا يسويها قدمت خديجة طلب انضمامها لكوكبة المعلمين وبعد اسبوعين جاء الرد بان تمت الموافقة علي تعينها وعليها تقديم نفسها لمدرسة بنات نيالا الابتدائية في منطقة الخرطوم باليل و في فترة اختبار لمدعام وبعدها تاخذ كورس معلمين الابتدائي وفي منتصف العام الدراسي ظهرت بوادر الحمل عند خديجة وفرح ميسره وخديجة وطلبت خديجة اجازة لمد خمسة عشرة يوماً ترتاح ومنحت لها الاجازة وقالت لها زوجة خالها انتي ماتعملي اى حاجة تاني ميسره اهو مع ادم بس خلي بالك من نفسك انتي واخبر ميسره اهله بالدويم وجات امه عشان تساعد خديجة في اعمال البيت في فترة الوحم الصعبة ومرت الايام واقترب العام الدراسي من نهايته وايضاً قرب وضوع خديجة مولودها وايضاً جات امها من الجنينة وفي يوم سعيد جاء المولود ولد واسماهو ميسره مهند واقام ادم السماية علي حسابو فرحاً لصديقه ميسره وبنت اخته خديجة وان شاء الله لو كان في العمر بقية نكمل

سلمت يداك استاذ ابو الملكات علي نسج

الحروف واخراجها باحلا حله وبها

دمت في حمي الرحمن

أهلا بكم في منتداكم:- منتديات علم سوفت-:
يمنع وضــع مواضيع بغير مكانها الصحيح .
الرجاء قراءة قوانين المنتدي والقوانين الخاصة بالاقسام قبل الكتابة بها .
-(( لو لم تلقى منى ما تريد))- * توجه هنــــــــــــــــــا.
عدم ردي على أي موضوع لك لايعني أني لم أرغب بالرد عليك وإنما الوقت محدود بالنسبه لي لظروفي الشـــخـصـيــــــه والعمل وأعباء أخرى لايعلمها غير ربي .
لطلبات الدعم الفنى هنــــــــــــــــــــــا

بسم الله الرحمن الرحيم
وبه نستعين
الفصل الثامن
مرت الايام والشهور ومهند اصبح عندو الان عشر شهور وبقا يمشي ويهبش وجات مواعيد الكورس لخديجة حتى تكون مؤاهلة اكاديمياً والكورس هنا في نيالا نفسها لقد تم افتتاح معهد المعلمين قبل عام وجات ترقية ميسرة الوكيل للمدرسة التي يعمل بها وهناك في الدويم اهل ميسرة في سعادة واخوه الاصغر اكمل الجامعة وعين مهندس زراعي فى محلية الدويم واخته سافرت مع زوجها الي بريطانيا وذلك لتحضير رسالة الدكتوراة في الابحاث المائية لمدة ثلاثة سنوات وايضاً تكمل اخته دراستها الجامعية والتي تركتها بسبب ولادة بنتها الكبري والتي لها الان من العمر اربعة سنوات وفي الجنينة ترقى والد خديجة الي رتبة مساعد واصبح مساعد القيادة فى اردمتا المنطقة العسكرية واخواتها البنات في تقدم في مراحل التعليم واخوها الصغير هو في الصف الرابع ابتدائي اما ادم في نيالا توسعت تجارته واصبح احد التجار المعروفين في تجارة المحاصيل الزراعية واولاده منتظمين في تعليمهم ورزق بآخر العنقود ولد واسماهو ميسرة متمناً ان يكون مثل صديقه ميسرة استاذ كبير وكانت زوجته تتمنى بنت لانها ما عندها وكانت واضعة لها اسم ثريا ومرعام ونص وخديجة شارفت على الانتهاء من الكورس وظهر الحمل التاني لخديجة وارسل ميسرة جواب الي ابوه طالب منه بان يرسل امه عشان تقعد معاهم عشان خديجة حامل ومهند اصبح مشاغب ولا بد من وجود زول كبير معاهو في البيت وطبعاً خديجة مع الايام الاخيرة للكورس وتحتاج الي تركيز وجات امه وكانت فرحت خديجة بها كبيرة وذلك ميسرة لم يخبرها بان امه جاية وكان ميسرة متخوف بان يرفض ابوه لانه اصبح كبير ويحتاج الي امه ولكن والده كان بين اهله ويهمو سعادة ولده وفي مساء يوماً حزين توفت زوجة ادم بعد صراع مع مرض الملاريا اللعين والذي لم يدوم طويلاً رحلت الي باريها وبعد فترة العزاء بايام جلس ميسرة مع ادم يحادثه عن تربيت الصغير واخوانه الكبار وعرض عليه بان يبحث عن زوجة تشاركه المسؤولية في تربية اولاده ورد ادم كلامك صاح وخاصة الصغير ميسرة يحتاج الي رعاية بس انا ما عارف امشى وين حسع ويعرض عليه ميسرة بانه عرف من كلام امه بان بنت عمه كوثر توفي زوجها قبل عامين وهي لم تلدي وهي انسانة محترمة وحافظة كتاب الله ويمكن له ان يتزوجها يقول ادم علي بركة الله خلاص انت كلم الحاجة وشوف رايها شنو وانا اهو جاهز ويرد ميسرة الوالدة ما اظن عندها مانع بس انا بكرة بضرب للوالد واتكلم معهو وينقل الكلام الي عمي وبنته وان شاء الله خير ويمكن نسافر انا وانت ونجيب العروسة وطبعاً ميسرة الصغير مع والدة ميسرة مع مهند وخديجة حزينة لفراق زوجة خالها والتي كانت لها بمثال الام وحافظة اسرارها ولكنها مشيئة الله وان شاء الله لوكان فى العمر بقية نكمل

بسم الله الرحمن الرحيم
وبه نستعين
الفصل التاسع والاخير
وفي الصباح اتصل ميسرة باخيه في المحلية وكلمه بان يذهب للوالد في البيت ويكلمه بخصوص زواج بنت عمه كوثر الي ادم صديقه ويكلم عمه زاتو ويضرب يوريه اذا وافقوا هو بياخذ اجازة اسبوع وبيجي مع ادم للزواج طبعا ادم طفله لسا صغير والان ماسكاهو امي عشان خديجة عندها امتحانات وكمان الحمل متعبها ويرد اخوه خلاص بمشي البيت حسع وبكلم ابوي وعمي وبجي اضرب ليك وان شاء الله خير اها امي ما جايا قريب ويرد ميسرة يمكن كمان شهر تاني وتجيكم بس خديجة تكمل بعدين امي زاتها قالت عاوزة تقعد شوية في نيالا وبعد ساعة ونص ضرب له اخوه يبشرهو بالموافقة وبانه هو بنفسه تكلم مع بنت عمه كوثر وقالت هي ماعندها مانع ويرد ميسرة خلاص انا من اليوم بقدم طلب اجازة خمسة عشرة يوم وقطارالاثنين الجاي بنكون معكم ان شاء الله يلا وطوالي ذهب ميسرة الي ادم في السوق وكلمه بالموافقة وانه اخذ اجازة خمسة عشر يوم للسفر وان شاء الله قطار الاثنين الجاي يسافروا وبعد العودة من المدرسة كلم ميسره امه وانهم سوف يسافروا يوم الاثنين الجاي عشان يعقدوا ويجيبوا كوثر فرحت امه وخديجة كثيراً لهذة الاخبار السعيدة وفي المساء بعد عودة ادم من السوق نادا ميسره وجمع اولاده قال ليهم انتم الحمدلله الان كبار بتعرفوا وامكم الله يرحمها خلت اخوكم الصغير ميسرة وهو يحتاج الي رعاية وانا ان شاء الله عاوز اتزوج عشان تجي ام ترعاهو واخت عمك ميسره زوجها متوفي وما عندها جنا قلت تجي تقعد معنا وتربي ميسره الصغير وتشوف كمان طلباتنا كلنا في البيت اها قلتوا شنو ويرد ابنه الكبير وهو يبلغ من العمر خمستاشر سنة والله ياابوي عين العقل وهنا يقول ميسرة ان شاء الله تكون ليكم خالتكم وتعيشوا معها بسعادة والحمدلله هي قارية كتاب الله ويقول ادم الي ابنه البكر انا وعمك ميسره ان شاء الله يوم الاثنين بنسافر خلي بالك من البيت وتشوف طلباتهم تجيبها ليهم وكل يوم العصر بعد الصلاة تمشي تفتح الدكان وانا كلمت عمك اسحق جاري يراقب معاك الدكان ونحنا اسبوع وان شاء الله بنرجع سافر ادم وميسره وكان في استقبالهم في المحطة اخوه ومعاه ابن عمه اخو كوثر وبسيارة ابن عمه الي الدويم طوالي وفور وصولهم قام ابو ميسره بذبح لهم خروفين احتفالاً بقدومهم ورداً علي ماقدمه ادم الي ميسره في نيالا وطبعاً ميسره كان بيكلمهم وهم ايضاً شافوا بعيونهم الكرم عند زيارتهم الي نيالا وفي اليوم التالي تم عقد الزواج واقام ميسره حفل كبير دع اليه الاهل وشاركوا ادم فرحة الزواج وبعد اربعة ايام من الزواج سافروا الي نيالا وهناك كان الاستقبال لهم كبير وخاصة اولاد المرحومة بقدوم زوجة ابوهم والتي سوف ترعى اخوهم الصغير وبعد مضي سبعة شهور ظهر الحمل فى كوثر وكانت فرحانة وادم وميسرة وخديجة واولاد ادم وكانت كل الامنيات بان ترزق ببنت وفعلاً وضعت كوثر بنت جميلة وقالت كوثر لزوجها المرحومة كانت تتمنى بنت وتسميها ثريا ياليت نحقق الامنية ونسميها ثريا وقد كان واستمرت الحياة في سعادة وهناء استودعكم الله والي اللقاء في قصة جديدة اخري لو كان في العمر بقية ان شاء الله

الاخوه الاعضاء الافاضل
اتمنى ان تكون نالت اعجابكم القصة
دمتم بخير وسعادة

موضوع رائع
اختيار موفق
شكراً لك
ننتظر جديدك
لك أجمل تحية

» ريدة وجيرة قصة في فصول
» نقطة تحول قصة في فصول
» الحب الخالد قصة في فصول
» الحب الوفي قصة في فصول
» التساب رواية في فصول