أجمل الصدف قصة

موضوع: أجمل الصدف قصة الإثنين مايو 18, 2015 3:40 pm

بسم الله الرحمن الرحيم
وبه نستعين
أجمل الصدف
الفصل الاول
التقيا فى مناسبة سعيدة هو اتي الى تهنئة صديقه وزميله فى الجامعة هيثم بمناسبة عودة ونجاح عمليه شقيقه الاكبروهي ايضاً اتيا لتهنئة صديقتها وزميلتها فى الجامعة حنان بعودة والدها بعد نجاح العملية التى اجريت له فى لندن وبعد الاطمئنان امجد على سلامة اخ صديقه هيثم طلب منه الاستئذان بالذهاب وهنا رن هاتف هيثم فاستاذنهو للرد وكان المتحدث من الطرف الآخر هي ابنة اخيه طالبة منه بعد خروج صديقه بان يوصل لها صديقتها لمنزلها وذلك لتاخير والدها الذى اتصل بها بانه فى اجتماع هام وقد يتاخر شوية عليها ورد عليها عمها ان شاء الله خير شوية كدا وانا بكلمك وسال امجد انت ماشى وين الان ويرد عليه حقيقة ماشى من هنا للترزي عندي ملابس استلمها منهو والوالد كمان عاوز ليهو حاجات وبرجع البيت خير عندك مشوار اوصلك ويقول له هيثم حقيقة الضربت لي حسع دي بنت اخوي عندها زميلتها فى الجامعة جات لتهنيتها بنجاح وسلامة ووصول والدها جابها ابوها ولكنه ضرب ليها وقال يمكن يتاخر شوية والمفروض اقوم انا اوصلها ويقول له امجد يااخي بسيطة عادي انا باخذها معي اوصلها بيتن وامشى لمشواري وهنا يرد اخ هيثم الكبير بارك الله فيك ياولدي والله فيك الخير اصلي كنت عاوز ارسل اخوك هيثم دا مشوار وطبعا هيثم هو الاصغر والده توفي وهو كان صغير ورباه اخوه الكبير واصبح مثل والده وهذا جعل اخوه الاكبر يعامله مثل اولاده وكان اخوه الاكبر متزوج وعنده بنت وولد عند وفاة والدهم ولهذ وكان بمثال والده لانه فقد والدهوهو فى عمر السنتين وكانت ام هيثم هي الزوجة الثانية التى تزوجها ابوه بعد وفاة ام اخوه الاكبر وهي ايضا تبقى خالة اخوه الاكبر اخت امه الصغيرة واخبر هيثم بنت اخوه بان صديقه استاذن بالذهاب وهو سوف يوصلها معه لبيتهم فى طريقه وودعت صديقتها مني افراد الاسرة وكان عمها وامجد بانتظارهم برا فى السيارة وبعد السلام والتعارف بينهم وقام هيثم بتعريفهم بصديقه امجد وقامت بنت اخوه حنان بالتعريف بصديقتها مني وكانت تلك المرة الاولي التي يرئ فيها امجد بنت اخوه هيثم حنان واستاذن هيثم وفتح باب السيارة لزميلة وصديقة حنان بنت اخ صحبو هيثم وتحرك وفى الطريق سالها امجد معليش ساكنة وين ردت نحنا فى العباسية اوع اكون اديتك مشوار بعيد ويرد امجد اولاً لايهمك وبعدين انحنا زاتو بيتنا فى العرضة يعني قربين من بعض ويقول لها صدقي هذة اول مرة اشوف ابنة اخو صديقي هيثم وترد مني معقول وانت صديق عمها ويرد حقيقة زيارتي ليهو في البيت ما كتيرة وحتى عند زيارتي ليهم فى البيت بتكون فى اوقات قد تكون هي نائمة او مشغولة بالمذاكرة عشان كدا ما شفتها قبل اليوم ويسالها انتي بتدريسي ايه وترد مني بدرس صيدلة مع حنان فى نفس الكلية وتسالهو هي انت مع عمها برضوا فى نفس الجامعة ولا صديقه بس يرد ايو الاتنين فى نفس الجامعة بس انا دراستي حاسوب وتقنية معلومات وهو بيدرس اقتصاد ولكن نحنا زملاء من الثانوية قرينا سواء ويسالها هو ليك اخوان واخوات ولا وحيدة وترد مني الحمدلله عندي اخوين وبنتين البعدي فيصل فى سنة اولي جامعة وبيدرس طب اسنان وبعده اختي روان وهي الان فى الثانوية وان شاء الله السنة الجاية بتدخل الجامعة وبعدها اختي التانية عبير وهي فى الصف الثامن ام آخر العنقود اخي الصغيروجدي فى الصف الرابع والدي بشير وهو يعمل مهندس كهرباء وهو المشرف الاول على كهرباءة العاصمة ام والدتي رجاء خريجة علم نفس وهي تعمل الان فى وظيفة مديرة مدرسة ويقول لها امجد طبعاً انا البكر زيك كدا تماماً وعندي من الاخوان ثلاثة بيتن وولد البعدي طوالي اماني وهي فى الجامعة بتدرس طب سنة اولي والبعدها أيمان طالبة فى ثانية ثانوي اما آخر العنقود ازهري فى الصف الرابع ابتدائي ام الوالد الهادي وهو يعمل فى التجارة يملك محل لبيع الاقمشة وهو وايضاً خريج اقتصاد اما الست الوالدة بدرية انها اكملت الثانوية وقعدت فى البيت حسب رغبة والدها واقتراب امجد من الحي ويسالها اها بيتكم بوين نحنا دخلنا حلتكم وتصف له شفت ميدان الربيع القدامك دا البيوت الفاتحة على الميدان من جهة الشرق بس اول بيت ناصية باب حديد كبير فاتح على الميدان دا بيتنا ويسالها امجد طيب بتعرفي ناس الحي يعني جيرانكم الجنبكم وترد ايو كلهم ويقول امجد طيب البيت الرابع من بيتكم فيهو واحد صديقي وزميلي فى الجامعة اسمه عوض وهنا تقول مني ايو بعرفهو كيف عوض اخو بثينة صحبتي ديل جيرانا ودا بيتم ملك وبقينا زي الاهل مع بعض ان شاء الله لوكان فى العمر بقية نكمل

فيضَ مَنَ الجَمــالْ الَذي سكبتهْ

تِلَكَ الَـأنــاملْ الَاَلمَــاَسيَةَ ..!

طًرّحٌ مٌخملَي ..,

كُلْ شَئَ مختلفْ هُنــا

يعطَيكـًم العآفية ..ولـآحرَمنآ منَكـًم

بإنتظَآرَجَديِدكًـم بشغفَ

أهلا بكم في منتداكم:- منتديات علم سوفت-:
يمنع وضــع مواضيع بغير مكانها الصحيح .
الرجاء قراءة قوانين المنتدي والقوانين الخاصة بالاقسام قبل الكتابة بها .
-(( لو لم تلقى منى ما تريد))- * توجه هنــــــــــــــــــا.
عدم ردي على أي موضوع لك لايعني أني لم أرغب بالرد عليك وإنما الوقت محدود بالنسبه لي لظروفي الشـــخـصـيــــــه والعمل وأعباء أخرى لايعلمها غير ربي .
لطلبات الدعم الفنى هنــــــــــــــــــــــا

بسم الله الرحمن الرحيم
وبه نستعين
الفصل الثاني
مرت الشهور واصبح اللقاء الذي جمعهم في تلك الليلة من الذكريات وفى امسية احد الايام طلبت شقيقة امجد منه بان يذهب معها الى السوق لشراء بعض احتياجاتها وهم فى السوق اثناء تجولهم اذا يلتقيان وجهه لوجهه مع منى فى احد المحلات هي وشقيقها فيصل بعد السلام قدم امجد اخته اماني الى مني واخوها وقدمت مني شقيقها اليهم وسالها امجد عن صديقتها حنان بنت اخ صديقه هيثم وترد منى كويسة والله بخير وهي سالتني كمان عنك وهل التقينا بعد ذلك اليوم ام لا واقتربا من احد الكافتيريات وسالهم امجد ماذا تشربان واعتذرا واصر عليهم امجد وتحت الحاحهو الشديد قبلا الدعوة ويسال امجد اها طلباتكم شنو يا جماعة انا عارف اختي بتموت فى عصير الليمون وانت يا فيصل طلبك شنو والله بجد انا بحب عصير الليمون وتقول اخته سبحان الله اهم شى عنده بعد العودة من الجامعة طوالي يشرب عصيرالليمون يلقى امي مجهزه ليهو فى التلاجة ويقول امجد لهم انا بخلي اماني تطلب العصير الانا بشربه لانها هي عارفهو ويقول فيصل وانا بطلب العصيرالمفضل عند منى وهنا كانت المفاجاة الكبرى والصدفة العجيبة كانت عند حضور عامل الكافتيريا تطلب مني عصير ليمون وعصير منقة ويطلب فيصل من العامل نفس الطلب عصير ليمون وعصير منقة وينظرون الى بعض الاربعة ويضحكون من الاعماق لهذة الصدفة العجيبة واللذيدة ايضاً وبعد اكمال جولتهم وشراء طلباتهم حان وقت الوداع وطلب امجد من فيصل رقمه حتى يتواصلوا مع بعض وطلبت اماني من منى رقمها ايضاً للتواصل بينهم ويحكي امجد لهم يوم اوصل منى البيت بعد توصيلي لها فكرت ان اطلب منها رقمها وبعدين قلت فى نفسي يمكن تقول لاني اوصلتها استغليت تلك الفرصة وطلبت منها رقمها وتركتها وقلت خليها للظروف قد تجمعني بها ونحن اليوم نلتقي بكم فى هذا المساء الجميل وتواعدا بان يلتقيان فى مساء الخميس القادم فى منتزه الموردة لتجديد اللقاء وجاء الخميس وكان اللقاء وتسامرى فى كل شى الجامعة ومشاكل الشباب وازمة اخلاق بعض الشباب والكثير الكثير وقال فيصل الى امجد ياخي ممكن تجينا فى البيت اصلوا الاجهزة عندنا تعبانة شوية تجي تشوفها لينا اللابتوب حقى والكمبيوتر حق الوالدة وكمان لابتوب منى لكنها اظنها خجلانة تقول ليك ويقول امجد ماعليك انا زاتي بكرة ماعندي حاجة ضرورية فى الجامعة برجع بدري خلاص بعد صلاة العصر انا ومنى بنجيكم نشرب معاكم الليمون والمنقة واشوف ما لها الاجهزة بس حق منى ما بصلحو عشان هي ما قالت لي وهنا يضحك الجميع وترد منى انا اول حاجة يتصلح حقي وانت انتظر يا فيصل تكشف حالي كدا طيب بوريك بعدين ويفترقا والابتسامة تعلوا وجوههم على اللقاء غداً وفى عصر اليوم التالي ذهبا وكانا فى استقبالهم الاسرة كلها ما عدا والدهم كان فى حفلة وداع احد الخبراء فى رئاسة الوزارة بالخرطوم وتعرف امجد ومنى على بقية افراد الاسرة وكان مساء جميل وطلعت امهم تعرف والدتهم وذلك كانتا قد التقيتان فى المستشفى عند حملهم بآخر اولادهم وطلبت روآن من امجد بان يشرح لها بعض دروس الرياضيات لانها تعبانة منها شوية ويقوم امجد بالشرح لها ويقول لها موبايلي عند فيصل لو اى حاجة اعترضتك اضربي لي وان شاء الله انا جاهز ومحلولة وبعد تصليح الاجهزة استاذن امجد واخته بالذهاب عشان بكرة القيام بدري للجامعة وقال امجد لفيصل هاك دا اميليي لو فى اى حاجة فى اى جهاز اضرب لي وانا بدخل وبصلح ليك الجهاز وشرح له كيفية عملية الاتصال وهم على الباب للخروج حضر والدهم من الحفلة واصر على الرجوع حتى يتعرف عليهم وتحت اصراره رجعوا ويقول لهم والدهم اولاً معليش مفروض اكون حاضر واخوانكم كلموني بس الظروف لكن الحمدلله لاقيتكم قبل ان تذهبوا اهلاً بيكم وما باخذ من وقتكم الكثير بس اتعرف عليكم وهنا يقول امجد نحنا جيرانكم هنا من العرضة وابوي تاجر اقمشة فى سوق ام درمان واسمه الهادي ويقول والد منى الهادي خالد كيف بعرفوا حق المعرفة وبشتري منه طوالى ملابسي وهو كيف ان شاء الله كويس ويرد امجد الحمدلله تمام وبخير ويقول والله ياعم فعلاً أجمل الصدف طلعت الخالة بتعرف الوالدة التقيا فى المستشفى فى ولادتهم الاخيرة بوجدي واخوي ازهري وانت طلعت كمان ياعم انك بتعرف الوالد من زمان وهنا يودعهم ويسمح لهم بالذهاب وان شاء الله لو كان فى العمر بقية نكمل

- حرفُكَ رَبيعٌ فاتِنْ ..

كلمات تصل الي شغاف القلوب

وقلم متميز ينثر عطرة هنا وهناك

الإلهام لبُ الكتابة حقا ..

أروتني أحرفك حد الإكتفاء

لقلبك بياض لا ينتهي

أهلا بكم في منتداكم:- منتديات علم سوفت-:
يمنع وضــع مواضيع بغير مكانها الصحيح .
الرجاء قراءة قوانين المنتدي والقوانين الخاصة بالاقسام قبل الكتابة بها .
-(( لو لم تلقى منى ما تريد))- * توجه هنــــــــــــــــــا.
عدم ردي على أي موضوع لك لايعني أني لم أرغب بالرد عليك وإنما الوقت محدود بالنسبه لي لظروفي الشـــخـصـيــــــه والعمل وأعباء أخرى لايعلمها غير ربي .
لطلبات الدعم الفنى هنــــــــــــــــــــــا

بسم الله الرحمن الرحيم
وبه نستعين
الفصل الثالث
مرت السنة الاولى والاسرتين تزداد علاقاتهم تماسك وقوة وامجد متفوق فى دراسته الباقي له نهاية هذا العام ثم يتخرج ومنى ايضاً الباقي لها عام وتتخرج وهناك اماني اخت امجد الباقي لها عامان وفيصل اخ منى هو ايضاً الباقي له عامان ام بقية افراد الاسرتين متفوقين في دراستهم وفي تلك الاثناء جاء آمر للمهندس بشير والد منى بان يقوم بالسفر لخزان الرصيرص لمد شهر ونص للاشراف على تركيب التوربينات الجديدة لانه هو الذي كان قد اشرف على شرائها من دولتها المصنعة وهنا طلب بشير من امجد بان يشرف هو على البيت في فترة غيابه وذلك لانشغال فيصل في الدراسة ووعد امجد عمه بشير بانه كل يوم سوف يحضر ويشوف طلباتهم وقال له ياعم لاتشيل هم وربنا يرجعك بالسلامة لينا واصبح امجد واماني كل يوم معهم وفى احد الايام قالت والدة منى لى امجد خلاص ياولدي بقي ليك الشهر دا والجاي ان شاء الله تتخرج ويرد امجد ان شاء الله ياخالة وتساله خالتو اها ناوي تعمل شنو بعد التخرج ويرد والله لسه ما قررت اعمل شنو لكن الحمدلله الشغل ما عندي فيه مشكلة اصله عملنا هذا مرغوب فى كل الشركات والحكومة كمان بس انا عندي فكرة اني اسافر برا واحضر للماجستير والدكتوراة عشان بعدين الواحد لما يرجع يعمل فى وظيفة محترمة وينفع بلده وتساله اها ما عاوز تكمل نصفك الحلو ولا عاوز تجيب عروسك من برا وهنا يضحك امجد ويقول لها اكيد عاوز اتزوج ومن هنا من بلدي بس لسه بعد الواحد يعمل وتقول له امبارح امك كانت معانا هنا وانت فى الجامعة وتكلمنا بخصوصك وامك قالت عاوزة تشوفك عريس وتشوف اولادك وقالت عاوزة ليك منى بتي وقالت لى عليك الله كلمي انتي وشوفي رايه وانا طبعاً عشان خاتاك زي اولادي قالته ليها ولا يهمك ولدي وانا بكلمو اها قلت شنو وهنا يقول امجد والله ياخالة انا اصبحت واحد منكم وانتي زي امي بس الموضوع دا يحتاج لصاحبة الشان اما انا من ناحيتي احسن من منى ما بلقا وانا من زمان يا خالة احترم منى واقدرها وقالت له اسمع ياولدي انا والله الى الليلة ما فتحت خشمي مع منى بخصوص هذا الموضوع لكن شايفاها بتحترمك شديد بس قلته اتكلم معاك انت فى الاول وبعدين اتكلم مع منى اها قلت شنو ويرد امجد والله ياخالة انا ما عندي مانع واتمناها تكون زوجة لي بس زي ما قلت ليك هي الاهم وترد خلاص ياولدي الفيها خير ربنا يعملها ويخرج امجد لاحضار بعض طلبات الخالة ام منى وهنا تضرب ام منى الى والدة امجد اها اتكلمت معاهو والحمدلله موافق بس الباقي على منى وانا خليت مني ليك انتي تشوفي رايها وانا واثقة منها بس احسن الكلام يكون منك انتي انا بعدين برسلها ليك مع فيصل وانتي كلميها خلاص يا اختي وترد ام امجد خلاص يا اختي وعاد امجد بطلبات خالتو ام منى واستاذن بالذهاب لانو عنده مواعيد مع زميله وقبل خروجه قالت له خالتو ام منى عمك ضرب تلفون حسع قبل شوية وانت مشيت تجيب الحاجات وبيسلم عليك وقال الاسبوع الجاي ان شاء الله يمكن يخلص ويرجع ويرد امجد الله يسلمو وان شاء الله انا بعدين بضرب ليهو مع ابوي من البيت وبعد عودة منى من الجامعة قالت لها امها منى خالتك ام امجد قالت دايراك امشي شوفيها مالها يوديك فيصل وبعدين يجيبك امجد واماني عشان فيصل قال عنده زيارة لصحبو بس يوصلك وردت كويس يايمة ان شاء الله بعدين قريب المغرب بنمشي ليها كويس وترد امها يا بتي اخوك زاتو قال بمرق قبل المغرب وهنا ضربت الى ام امجد تلفون وتقول ليها خلاص بعدين المغرب بتجيك ويجيبها فيصل واماني وامجد بعدين يجيبوها راجعة البيت وجاء المساء وذهبت منى الى بيت ناس امجد خير خالتي بدرية امي قالت لي خالتك بدرية دايرك اها ان شاء الله خير يابتي اقعدي كدا اشربي الموية مافى حاجة خير ان شاء الله اصلي عاوزة اتكلم معاك شوية وترد منى اتفضلي يا خالتو نعم وهنا تكورك ام امجد يا بت وينا الموية لي اختك مني وترد الابنة جايباها يمة وهنا تقول ام امجد والله يابتي انا قلتا اتكلم معاك انتي قبال ما اكلم امك ولا اكلم زول تاني خير ياخالتي بدرية فى شنو ترد ام امجد اسمعي يا بتي انا والله دايراك لى ولدي امجد دا وانتي بتعرفيه كويس ياهو معاك طوالي اها قلتي شنو وهنا تسكت منى وتقول لها ام امجد زمان يا بتي كانوا بيقولو سكوت البنت علامة الرضا لكن زمنكم دا يا بتي غير الواحدة هي براها بتختار راجلها اها قلتي شنو ترد منى والله ياخالتو امجد ما فيه كلام بس انتي قلتي ما كلمتي زول يمكن يكون عنده واحدة بيعرفها وترد ام امجد انتي يابتي ترا شايفه وعارفه كان عندو واحدة ولا بس الاهم رايك انتي فى الاول بعدين هوهين وتقول منى خلاص انتي كلمي امي ياخالتو انا ما عندي مانع ولا اعتراض فى امجد وترد ام امجد الله يخليك يابتي الحمدلله حسع انا مرتاحة وان شاء الله لو كان في العمر بقية نكمل

بسم الله الرحمن الرحيم
وبه نستعين
الفصل الرابع
عاد والد منى من الرصيرص بعد اكمال مهمته بنجاح واخبرتو زوجته رجاء بموضوع زواج امجد ومنى وما دار وايضاً اتصل به الهادي والد امجد يهني بسلامة العودة وفتح معاهو موضوع الزواج وبعد اسبوع من عودته اجتمعت الاسرتين فى منزل المهندس بشير وطلب الهادي والد امجد من والد مني يد كريمته مني الى ابنه امجد ورحب بشير وقال طبعاً لازم رائها هي البنت اولاً وهنا ينادي بشير بنته وتجى مني نعم يا ابوي ويقول لها ابوها اجلس اسمعي يا بتي عمك الهادي دا جاء طالب يدك الى امجد ابنه انتي قلتي شنو وتسكت مني ويقول لها والدها اسمعي يا منى رايك مهم عشان بعدين ما تندمي وانتي عارفه امجد كويس انا من ناحيتي احسن منه مافي تاني ولد مهذب خلوق ومن البيت الي الجامعة وانتي عارفة كدا وصلاته فى المسجد وبيأم الناس فى المسجد اها قلتي شنو يابنتي خلاص يا ابوي انا موافقة ربنا يتمم بخير بس انا لسه باقي لى السنة دي من التخريج وهنا يرد والد امجد كملي تعليمك اولاً يا بتي وبعدين العرس وهو زاتو امجد قال عاوز يقرا ويجيب الماجستير وتتدخل ام امجد وتقول لها والله يابتي ياكي بتنا وبريدك من جوه قلبي وانا من يوم ما شفتك سالت الله انك تكوني انتي من نصيب امجد ولدي والحمدلله واطلقت زغرودة طويلة ومعها ام مني وجو الجماعة جارين فيصل واماني بيسالوا فى شنو وتقول والدة امجد عقبالكم انتم كمان تكملوا الجامعة ونفرح بيكم ويضحكان الاثنين ويقول فيصل الى امجد طيب ياخي كان تكلمني أنا ولو بدس ويقول امجد بصراحه انا زاتي كنت خائف منى ما توافق بي لاني ماحصل اتكلمته معاها بخصوص زواج كلامنا كلو كان عام وانت زاتك بتسمعو المهم انت شد حيلك ونعرس ليكم انت وست الليمون ونجي نحنا نشرب الليمون والمنقة ويضحكان وهنا يستغرب الجماعة وتسالهم ام منى شنو حكاية الليمون والمنقة دي يا اولاد ويشرح امجد القصة للاسرتين ويضحك الجميع ومع دعوات اهلهم لهم بنجاح وتمر الايام والشهور وامجد قدم لدراسة الماجستير وتم تعينه فى شركة اتصالات عالمية لها فروع فى انحاء العالم مع السماح له بان يحضر لرسالة الماجستير من داخل الشركة ومنى فى المرحلة النهائية لتخرجها وفيصل واماني فى سنة ثالثة فيصل طب اسنان واماني طب عام وجاء وقت التخريج ونالت منى درجة امتياز وابن عمها وهو وزوجته عندهم صيدلية طالبوها بان تجي تشتغل معهم ومنها تحضر للماجستير وهنا كلمت منى امجد وفرح لها كثيراً والاسرة ايضاً فرحت لها ومر العام وامجد فى تقدم فى عمله ورسالته للماجستير تقدم فيها كثير وهنا طالبه ابوه وامه بان يتزوج ومافى شى ناقصه وافق امجد وتكلم مع منى بان يتزوجوا وتم الزواج وسافر العريسين الى تونس لقضاء شهر العسل وايضا يقابل امجد زميله فى الجامعة محمد البورقيبة والذي كان وعده بان يقضي شهر فى تونس الخضراء وعادا بعد اسبوعين من تونس الخضراء وقضاء باقي الاجازة مع الاهل واخيراً استقروا فى منزلهم الذى اسستهو الشركة له مع عروسه منى وعادت منى الى صيدلية ابن عمها لمزوالة عملها وبعد خمسة شهور من الزواج طلبت الشركة من امجد ارساله الى بعثة لمدة ثلاثة شهور من اجل دراسة اجهزة جديدة سوف يتم استيرادها للشركة للعمل بها فى السودان وله الخيار باخذ زوجته معه او من دونها وهنا شاورها امجد بان تاخذ اجازة لمدة ثلاثة شهور منها فسحة وتغير جو وفعلاً وافقت منى بالسفر واخذت اجازة لمدة ثلاثة شهور وفى نهاية الشهر الثالث ظهر الحمل والان منى حامل وكانت سعادتهم كبيرة وتكلم امجد مع امه وابوه وعمه بشير وخالتو رجاء ونقل لهم الخبر السعيد وبعد اسبوع من البشارة بخبر حمل مني عادوا الي ارض الوطن وبعد الاسبوع التاني جات الاجهزة الجديدة وقام امجد بتركيبها وتشغيلها وهنا الشركة منحته مكافاة مالية كبيرة واجازة لمدة شهر فى اى مكان يختاره ولكنه فضل البقاء فى السودان لظروف حمل منى وعدم تكمنها من السفر بالطائرة وهي الان فى شهرها الثاني وخطر عليها السفر الطويل وهناك فيصل واماني الباقي لهم سنة وكم شهر ويتخرجوا اطباء مرت شهور الحمل الاولى بخير ورجعت منى الى عملها فى الصيدلية وفى شهرها السابع نصحتها الدكتورة بان تخلد للراحه لانها بكرية وتحتاج الى راحه اكثر ونفذت منى تعليمات الدكتورة وجلست فى البيت وكل من امها وخالتها ام امجد يخدمونها ولا يخلوها ترفع كباية موية وكلهم فى شوق لرؤية حفيدهم الجديد وحسب كلام الدكتورة بان المولود القادم ولد وجات مواعيد الولادة وحملت منى الى عيادة زميلتها وطبيبتها الدكتورة وفاء للولادة ان شاء الله لو كان فى العمر بقية نكمل

بسم الله الرحمن الررحيم
وبه نستعين
الفصل الخامس والاخير
وضعت منى وجابت مولود جميل وكل واحد اختار له اسم ومن اجل ارضاء الاسرتين اطلق على المولود اسم صديقه وزميله هيثم والذي كان هو سبب معرفته بمنى ووافق الجميع على هذا الاختيار ومرت الشهور وتخرج فيصل واماني بمرتبة شرف واصبحوا اطباء امتياز واكمل هيثم الصغير عامه الثاني واصبح هيثم هو اهتمام الاسرتين وظهرت بوادر الحمل الثاني على منى وكان الجميع فى تجهيز زواج فيصل واماني الذي قد اقترب ونصحت الدكتورة وفاء صاحبتها منى بان حملها هذا المرة توأم وعليها المحافظة والراحه وعدم اجهاد نفسها وكانت منى هي في ايام التجهيز للعرس فى السرير بلا حركة حتي تمر الشهور الاولى بخير وتم زواج فيصل واماني وسعد به الجميع وقدم امجد للعروسين هدية وكانت عبارة عن قضاء خمسة عشر يوم فى اسبانيا وكانت المفاجاة السارة للعرسين لقد اصبح امجد بعد حصوله على الماجستير المدير الفني للشركة ونائب المدير العام وعادا العرسين بعد قضاء ايام جميلة ورائعه لا تنسى فى اسبانيا ومرت الشهور ومنى بطنها تزداد كبر وتركت الان عملها فى الصيدلية لتتفرغ لتربية هيثم والقادمين الجدد وحانت ساعة الولادة واخذها امجد الى مستشفى الدكتورة وفاء صديقتها ووضعت توام ولد وبنت وكانت الفرحة كبيرة فى الاسرتين بقدوم التوأم واختار لهم امجد اسم التوم والتومة وبعد اربعة سنين ترقي امجد بعد نيله الدكتوراة واصبح المدير الفني لكل فروع الشركة فى جميع انحاء العالم وكثر سفره وهيثم دخل المدرسة بعد عام قضاء فى الروضة ورزقت اخته اماني بولد واخته أيمان تعمل فى شركة كبيرة فى مجالها ادارة اعمال واخوه الصغير ازهري فى ثانية جامعة علوم سياسية اما والده الهادي فى محله والحمدلله بصحة جيدة وامه هي الاخرى تمام ومع اولاد اولادها مبسوطة اما اخوان مني فيصل يعمل في عيادة صديقه وزميله زهير وروان تخرجت وهي الان تعمل في احد البنوك اما عبير فى السنة الثالثة كلية الفنون الجميلة الان وتدرس الرسم والنحت اما الصغير وجدي هو يدرس فى نفس جامعة التي يدرس فيها ازهري ونفس الكلية اما المهندس بشير نزل المعاش وطلبته شركة فى احد دول المهجر انتداب لمدة عامين من اجل تاسيس شركة كهرباء فى تلك الدولة وسافر ومعه رجاء والي اللقاء فى قصة جديدة ان شاء الله ولو كان فى العمر بقية

الاخوه الاعضاء الافاضل
اتمنى ان تكون نالت اعجابكم القصة
دمتم بخير وسعادة

شكرا لك على المشاركه الرائعه

» أجمل النكت
» أجمل النكت
» أجمل النساء قصيدة
» أجمل الكلمات عن العدل
» أجمل فرش فوتوشوب بالعالم فرش الخطوط المتموجة