مساء الخير ..
من زمان مرا عن هالقسم
جيت بموضوع رغم اني قد سامعه عنه وقد انصدمت فيه
الا اني كل م اسمع قصه انصدم اكثر
شي لا زال يغلف بعض القبائل
وهي العادات و التقاليد
انا جداً لا اؤييد الابتعاد التام عن العادات و التقاليد المرسومه لكل قبيله سعوديه
ولكن تغير الزمن
يعني لازم ننفك شوي في الامور اللي لا باس اننا نخفف حده ايام زمان فيها
شرط انه ما يأثر في سمعتنا
بضرب مثالين الاول موضوعي والثاني مثال ع الامور اللي لا ينبغي تماماً من وجهه نظري ان نتساهل فيها
1- عادات و تقاليد بعض العوائل السعوديه في امور زواج ابنتهم " وليس ولدهم "
2- سواقه المرأه للسياره
كلها مواضيع عن المراه الاول مهم والثاني لعب عيال
صراحةً
ما انكر حبي للسواقه
وجو خاص وانا اسوق
بس شي غلط
يجر اشياء فادحه نتجنبها عشان ديننا احسن
مو بالاول والاخير المهم ديننا
وبعدين ياخي طلعي اللي جواك ف البر .. ما كثر الله ف السعوديه الا البراري
ف مكان خالي
وعقبها اهجدي
يعني جد هو امر تافه
ولا اتمنى مساحتنا هنا تصير نقاش عن سواقه المراه للسياره لانها مي موضوعنا
العادات والتقاليد ف امور الزواج للفتاه
بعض العوائل للحين نظامهم البنت م تاخذ الا ولد عمها او ولد خالها وان ما كان كذا ف تموت عانس ولا تتزوج برا العيله
عقولكم فيها خلل شي ؟!
طيب اذا انتو م تبونهم يطلعون بناتكم عن عيال عمومتهم و خوالهم ليه م تخطبونهم
ليه البنت تعنس ويوم يطلبها واحد للزواج برا العيله ترفضون !!
م اقتنعتو ان زواج الاقارب اساساً تسبب امراض متوارثه للأبناء
من جماعتنا ناس نفس النمط
ويوم لاحظ كبيرهم ان الصغار كلهم مرضى توحد منع زواج الاقارب بتاتاً
يعني ولا واحد ياخذ من عيلتهم باختصار
ف البدايه محد تقبل وصارو يعنني يحطون شيخهم ف الامر الواقع وما يعلمونه الا بكرت الزواج
لكنه فعلياً كان يفسخ الزواج غصب
لكن ناخذ مثال
اشراف مكه !!
للحين البنت ما تتزوج الا من عيال عمومتهم و خوالهم
حكتني شريفيه عن وحده من عيلتهم ابوها متوفي و اخوانها متزوجين ولا دارين عنها و عن امها
وامها كبيره ف السن و هي كبرت
امها زوجتها واحد خطبها كثير غصب عن عمانها و اخوانها
وقاطعوهم
ليه لهادرجه وصلت الامور !!
قطيعه!!
لا وبعد ما يزوجونهم الا اللي يحمل نفس الفخذ ونفس القبيله
اذا اختلف الفخذ ممنووووووع منعاً باتاً
ايش التعقيد ذا
البنت لا ماتت امها وين بتروح بعد عمر طويل
تتمرمط ف بيوت اخوانها !!
تعالو بالعقل بالله
زوجات اخوانها بيرضون ان تروح خصوصيه بيتهم عشان عادات تافهه !!
عن نفسي م ارضى افقد خصوصيه بيتي واسكن لو اختي معي
عشان عادات و تقاليد
وقبايل كثيييييير
وكل قبيله تضيف بهارات
وحده عيلتهم نفس النمط وامها رضيت لها تتزوج برا العيله
ولاحضو قبل البنت م تتزوج كانت هي اللي تعول اهلها بكل راتبها
يوم جا يوم الزواج عيت الام تحضر تقول انا مني راضيه على ذي الزيجه
بعد حبه خشم حضرت واشترطت ان بطاقه بنتها حقه الصراف تبقى عندها وبالفعل وافقت البنت وهي منهاره اساساً
هذي امها !!
وبعد هالحوسه
كل م جات البنت لبيت اهلها الام طردتها هي و زوجها
والاخوان م يكلمونها
وبصراحه من وجهه نظري الازواج م ينضمنون
يعني من بقي للبنت
وفوقها مالها ف فلوسها شي عشان تامن مستقبلها
حرام اللي تسونه فيهم
لا جا نصيب البنت لا تردونه
خلونا من مسمى العادات و التقاليد ف ذا الشي
وفوقها التخلف ف التحيير من الولد و البنت صغار
وبالله لا تقولون حالات شاذه
قبايل بكبرها للان مي متنازله عن هالشي
مو كم اسره في ذي القبيله
زود ع شروط الرجال ف زوجته المستقبليه
يجون الاهالي بسالفه العادات و التقاليد !!
الشي اللي يثير الجنون جواتي بخصوص هالموضوع كمان
اماني البنات بانهم يكونون امهات
لا تحرمونهم تراكم محاسبين
ودي